Артериальная гипертензия

Гипертония инфаркт пен инсульт қаупін арттырады. Аурудың айқын белгілері жоқ. Гипертония көбінесе тұқым қуалайды.
Қан қысымы күндіз өзгеріп отырады. Бұл ұйқы кезінде ең төменгі деңгейге жетеді және оянғанда көтеріледі. Жас ұлғайған сайын қан қысымын үнемі өлшеп отыру керек, кем дегенде күніне екі рет. Ауруға бейім, қан қысымының көтерілуіне әсер ететін ілеспе аурулары бар жастарға да қан қысымын өлшеп тұрған абзал.

Артериялық гипертензияның себептері

Атеросклероз, қант диабеті, қалқанша безінің аурулары артериялық гипертензияға әкеледі. Сондай-ақ:
Темекі шегу;
Кофе мен тоник сусындарын шамадан тыс тұтыну;
Алкоголь;
Ас тұзын қолдану;
Стресс;
Созылмалы шаршау;
Семіздік.
АГ-ның негізгі қолайлы факторларының бірі – семіздік. Жәй артық салмақ пен семіздікті шатастырмаңыз. Айта кетейік, семіздік – бұл дене салмағының индексі 30-дан асқан кездегі жәй-күйі.

Кімдер қауіп тобында:
Көбінесе 45 жастан асқан адамдарда АГ бар. Бірақ бұл ақпарат жастардың АГ-дан қорықпауы мүмкін дегенді білдірмейді. Тіпті балалар мен жасөспірімдер де қауіп тобына кіруі мүмкін! Бұл негізінен қайталама артериялық гипертензиясы бар науқастарда болады.
Негізінде, жастар арасында қысымының көтерілуі неғұрлым қауіпті болып табылады. Егер 17-45 жастағы адамда қан қысымы жоғарылаған болса, ол шұғыл түрде дәрігермен кеңесуі керек. Бұл бұзылу себебі көбінесе органикалық болып табылады. Бұл жағдайда қысым өте жоғары деңгейге көтерілуі мүмкін.

Егер жас адам жоғары қан қысымын байқаса салғырт қарамасын, өйткені бұл - қауіпті сигнал. Қысым жоғарылаған кезде оны бір-екі сағаттан кейін қайтадан өлшеңіз. Егер ол азаймай керісінше көтерілсе дәрігерге асығыңыз.
Гипертонияны қалай бақылауға болады


Алдын алудың қарапайым ережелері:

Стресстік жағдайларды барынша азайту. Негативтен аулақ болыңыз, айналаңыздағы барлық нәрсені оңай қабылдауға үйреніңіз.
Толық ұйқы. Уақытында ұйықтаңыз, кем дегенде 7 сағат.
Ұйықтар алдында 20-30 минут серуендеңіз. Жағымды ауа-райында серуендеу ұйқыны күшейтеді.
Егер сіз темекі шегетін болсаңыз – бұл жаман әдеттен бірден арылыңыз!

Қант және тұзды қолдануды барынша азайту. Сондай-ақ кофе мен алкогольді қолданбаңыз.
Спортпен айналысуыңыз керек. Бірақ ешқандай жағдайда қатты әлсірететін, шаршататын болмауы керек! Жүктемелерді біртіндеп арттыру керек және артық жұмыс жасамаңыз.

Сізде артериялық гипертензияға күдік бар ма? Дереу «Рахат» медициналық орталығына хабарласыңыз, осылайша сіз қажетті көмекті уақытында алып, өзіңізді ықтимал асқынулардан құтқара аласыз.

Алматыдағы «Рахат» клиникасында көп жылдық тәжірибесі бар білікті кардиологтар жұмыс жасайды. Дәрігер толық тексеріс өткізеді және анамнездің барлық ерекшеліктерін ескере отырып емдеуді жеке тағайындайды.